اسمگلنگ کیخلاف اقدامات کے باوجود جولائی میں افغان ٹرانزٹ ٹریڈ میں 78 فیصد کا اضافہ
حکومت پاکستان کی جانب سے ٹرانزٹ ٹریڈ کی آڑ میں اسمگلنگ کےخلاف اقدامات کے باوجود نئے مالی سال کے پہلے مہینے کے دوران افغان ٹرانزٹ ٹریڈ میں ماہانہ بنیاد پر 78 فیصدکا بڑااضافہ ریکارڈ کیا گیا ہےجبکہ گزشتہ ماہ جولائی میں سالانہ بنیاد پر مجموعی افغان ٹرانزٹ ٹریڈ 3 فیصد اضافےکے بعد 10 کروڑ ڈالرز سے تجاویز کرگئی۔
حکومتی ذرائع کاکہنا ہےکہ گزشتہ ماہ جولائی میں مجموعی افغان ٹرانزٹ ٹریڈ 10 کروڑ ڈالر سےتجاوز کرگئی اور جون 2025 میں افغان ٹرانزٹ ٹریڈ کا حجم 5 کروڑ 63 لاکھ ڈالر تھا جبکہ جولائی 2025 میں مجموعی افغان ٹرانزٹ ٹریڈ 9 کروڑ 74 لاکھ ڈالر ریکارڈکی گئی۔
حکومتی ذرائع کےمطابق اس سےقبل گزشتہ 2 مالی سال کےدوران افغانستان کی پاکستان سے ٹرانزٹ ٹریڈ درآمدت 6 ارب 7 کروڑ ڈالر کم ہوئیں۔
حکومتی ذرائع کےمطابق پاکستان نے ٹرانزٹ ٹریڈ کی آڑ میں اسمگلنگ پر قابو پانے اور ٹرانزٹ ٹریڈ کا غلط استعمال روکنے کے لیے موثر اقدامات کیےجس کے نتائج حالیہ دو برس کےدوران برآمد ہوئے-
ذرائع کا کہنا ہےکہ مالی سال 25-2024 میں افغان ٹرانزٹ ٹریڈ میں ایک ارب 86 کروڑ ڈالر اور مالی سال 24-2023 میں 4 ارب 21 کروڑ ڈالر کی نمایاں کمی رکارڈ کی گئی تھی۔
حکومتی ذرائع کا کہنا ہے کہ مالی سال 24-2023 میں افغان ٹرانزٹ ٹریڈکاحجم 2 ارب 89 کروڑ ڈالر تھا اور مالی سال 23-2022 میں افغان ٹرانزٹ ٹریڈ 7 ارب 10 کروڑ ڈالر تھیں۔
لائیو ٹی وی