سپریم کورٹ: فراڈ کیس میں رقم واپسی کی پیشکش کے باوجود ضمانت کی درخواست مسترد
سپریم کورٹ نے 67 لاکھ روپے کے فراڈ کے مقدمے میں ملزم راشد حنیف کی ضمانت کی درخواست مسترد کر دی۔
ڈان نیوز کے مطابق سپریم کورٹ نے 67 لاکھ روپے کے فراڈ کیس میں ملزم راشد حنیف کی ضمانت کی درخواست مسترد کرتے ہوئے قرار دیا ہے کہ ملزم پہلے گرفتاری دے اور تحقیقات مکمل کرائے۔
جسٹس حسن اظہر رضوی کی سربراہی میں 2 رکنی بینچ نے سماعت کی۔
اس دوران مدعی کے وکیل نے مؤقف اپنایا کہ ملزم نے 67 لاکھ روپے ہتھیائے اور اس کے دیے گئے چیک ڈس آنر ہوگئے۔
وکیل صفائی نے کہا کہ ملزم رقم واپس دینے کو تیار ہے، تاہم جسٹس نعیم اختر نے ریمارکس دیے کہ قانون کا مذاق نہ بنایا جائے، ملزم نے فراڈ کیا ہے، کام دیکھیں۔
عدالت نے حکم دیا کہ راشد حنیف گرفتاری دینے کے بعد ضمانت بعد از گرفتاری کے لیے رجوع کرے۔
لائیو ٹی وی