مسلسل پانچویں روز سونے کی قیمت ہزاروں روپے بڑھ گئی
ملک بھر میں مسلسل پانچویں روز سونے کی قیمتوں میں اضافے کا رجحان دیکھا گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کی قیمت 3 ہزار 600 روپے بڑھ کر 3 لاکھ 67 ہزار 400 روپے تک جاپہنچی۔
اسی طرح 24 قیراط 10 گرام سونا 3 ہزار 172 روپے مہنگا ہو کر 3 لاکھ 14 ہزار 986 روپے میں فروخت ہوا، جبکہ 22 قیراط 10 گرام سونے کی قیمت 2 ہزار 908 بڑھ کر 2 لاکھ 88 ہزار 747 روپے ہو گئی۔
ادھر، فی تولہ اور 10 گرام چاندی کی قیمتوں میں بالترتیب 81 روپے اور 69 روپے کا اضافہ ہوا، جس کے بعد یہ بالترتیب 4 ہزار 202 روپے اور 3 ہزار 602 روپے میں فروخت ہوئیں۔
ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 36 ڈالر بڑھ کر 3 ہزار 447 روپے ہو گئی۔
واضح رہے کہ 29 اگست کو ملک میں 24 قیراط کا فی تولہ سونا 1200 روپے کے اضافے سے 3 لاکھ 63 ہزار700 روپے پر پہنچ گیا تھا۔
28 اگست کو 24 قیراط کے 10 گرام سونے کی قیمت 772 روپے اضافے کے بعد 3 لاکھ 10 ہزار 871 روپے جبکہ 10 گرام 22 قیراط سونے کی قیمت 708 روپے اضافے سے 2 لاکھ 84 ہزار 975 روپے ہوگئی تھی۔
27 اگست کو 24 قیراط سونے کی فی تولہ قیمت ایک ہزار روپے اضافے کے بعد 3 لاکھ 61 ہزار 700 روپے ریکارڈ کی گئی تھی۔
26 اگست کو 24 قیراط فی تولہ سونے کی قیمت 900 روپے بڑھ کر 3 لاکھ 60 ہزار 700 روپے تک جا پہنچی تھی۔
لائیو ٹی وی