کچھ لوگ جھوٹی خبروں سے انتشار پھیلانے کی کوشش کررہے ہیں، عظمیٰ بخاری
وزیر اطلاعات پنجاب عظمیٰ بخاری نے کہا کہ کچھ لوگ جھوٹی خبروں سے سوسائٹی میں انتشار پھیلانے کی کوشش کررہے ہیں تاہم یہ وقت سیاست کا نہیں بلکہ لوگوں کو ریلیف دینے کا ہے۔
وزیر اطلاعات پنجاب عظمیٰ بخاری نے اپنے بیان میں کہا ہے کہ ہمارا فوکس اس وقت ریلیف پر ہے لیکن ایک مخصوص ٹولہ مشکل کی گھڑی میں متاثرین کے ساتھ ہمدردی کی بجائے گندی سیاست کررہا ہے۔
ان کا کہنا تھا کہ قوم کا جب بھی متحد ہونے کا موقعہ ہوتا یہ ٹولہ اپنی گندی سیاست شروع کردیتا ہے، تاہم یہ وقت سیاست کا نہیں ہے بلکہ لوگوں کو ریلیف دینے کا ہے۔
انہوں نے کہا کہ 7 لاکھ ساتھ ہزار سیلاب متاثرین کو بروقت ریسکیو کرنا کوئی معمولی بات نہیں، پنجاب حکومت اپنے وسائل سے شہریوں کو تمام امدادی سرگرمیاں مہیا کررہی ہے۔
صوبائی وزیر اطلاعات نے کہا کہ متاثرہ شہریوں کے ساتھ ان کے مویشیوں کو بھی محفوظ مقامات پر منتقل کیا جارہا ہے جب کہ کلینک آن ویلز نے بروقت متاثرہ شہریوں کو طبی امداد فراہم کرنے میں کلیدی رول ادا کیا ہے۔
ان کا کہنا تھا کہ پنجاب کو تاریخ کے بڑے سیلاب کا سامنا ہے اور ویسے ہی بڑے ریسکیو آپریشن پر کام جاری ہے لیکن کچھ لوگ جھوٹی خبروں سے سوسائٹی میں انتشار پھیلانے کی کوشش کررہے ہیں۔
لائیو ٹی وی