ڈاکٹر شکیل آفرید ی نے اسامہ بن لادن کی جاسوسی کے لئے ایبٹ آباد میں جعلی پولیو مہم چلائی تھی ۔ فائل تصویر

پشاور: اسٹنٹ پولیٹیکل ایجنٹ باڑہ نے ایبٹ آباد آپریشن میں امریکا کی معاونت کرنے پر ڈاکٹر شکیل آفریدی کو مجموعی طور پر تینتیس سال قید کی سزا سنا دی۔

اسے یہ سزا وفاق کے زیرانتظام قبائلی علاقے میں نافذ فرنٹیئر کرائم ریگولیشن کے تحت دی گئی ہے۔

شکیل آفریدی کو ان سزاؤں کے خلاف اپیل کا حق ہے اور یہ اپیل ایف سی آر ٹریبونل میں کی جاسکتی ہے ۔

 شکیل آفریدی نے اسامہ بن لادن کی جاسوسی کے لئے ایبٹ آباد میں انسداد پولیو کی جعلی مہم چلائی تھی۔

 سزا کے بعد شکیل آفریدی کو سیکیوریٹی خدشات کی بنا پر جیل منتقل نہیں کیا جاسکا۔ آفریدی کو ایبٹ آباد میں امریکی آپریشن کے بعد گرفتار کیا گیا تھا۔