دیرپا امن کے قیام کے لئے طالبان کے ساتھ مذاکرات ضروری ہیں افتخار
خیبر پختونخواہ کے وزیر اطلاعات میاں افتخار فائل فوٹو
خیبر پختونخواہ کے وزیر اطلاعات میاں افتخار نے کہا ہے کہ دیرپا امن کے قیام کے لئے طالبان کے ساتھ مذاکرات ضروری ہیں۔
مردان میں تقریب سے خطاب میں میاں افتخار کا کہنا تھا کہ تحریک طالبان کے ساتھ مذاکرات کے لئے کھلے عام دعوت دی ہے۔
انہوں نے بتایا کہ مذاکراتی ٹیم کی تشکیل کے لئے مشاورت آئندہ بیس روز تک مکمل ہوجائے گی۔
میاں افتخار نے کہا کہ طالبان کو رہا نہیں کیا بلکہ افغان حکومت سے قیدیوں کا تبادلہ ہوا ہے۔
تقریب کے دوران وفاقی وزیر ریلوے غلام احمد بلور نے کہا کہ طالبان کمانڈر کرائے کے قاتلوں کے بجائے خود سامنے آئیں۔
لائیو ٹی وی