ممبئی: بولی وڈ میں ان دنوں شوخ و چنچل اداکار دیپیکا پڈوکون کا جادو سر چڑھ کر بول رہا ہے۔

پہلے 'یہ جوانی ہے دیوانی' نے کامیابیوں کے نئے ریکارڈ قائم کئے پھر 'چنائی ایکسپریس' خوب فراٹے بھرتی دکھائی دی۔

کنگ خان اور دیپیکا کی جوڑی نے تو فلم بینوں کے دل موہ لئے کامیابیوں کے اس سفر میں 'رام لیلہ' نے تو چار چاند لگا دئیے۔

فلم نے ثابت کر دیا نرم و نازک دیپیکا اداکاری اور خوبصورتی میں سب سے آگے ہیں۔

اب بات یہی ختم نہیں ہوتی بولی وڈ کی یہ خوبرو اداکار ہالی وڈ میں قدم رکھنے کیلئے پرتول رہی ہیں۔

کہا جا رہا ہے انہیں ہالی وڈ فلم 'فاسٹ اینڈ فیورس' کے نئے حصے میں اداکاری کی پیش کش ہوئی تھی۔

لیکن 'رام لیلہ' کی شوٹنگ کے باعث انہوں نے حامی نہیں بھری لیکن اب ڈمپل گرل کا کہنا ہے وہ ہالی وڈ میں مختصر مگر اہم کردار نبھائیں گی۔