پشاور: پاکستان کے صوبہ خیبر پختونخوا کے دارالحکومت پشاور میں آج جمعے کی صبح ایک اسکول وین کے الٹنے کے نتیجے میں کم سے کم 12 بچے زخمی ہوگئے۔

مقامی پولیس کا کہنا ہے کہ اقراء پبلک اسکول کی وین تقریباً 20 بچوں کو لے جارہی تھی اور تیز رفتاری کے باعث پشاور کی رنگ روڈ کے قریب یہ حادثہ پیش آیا۔

زخمی ہونے والے بچوں کو فوری طور پر قریبی ہسپتال منتقل کردیا گیا۔

واقعہ کے بعد پولیس نے وین کے ڈرائیور کو حراست میں لے کر تفتیش شروع کردی۔

واضح رہے کہ پاکستان میں ناقص سڑکوں، خراب گاڑیوں اور خراب ڈرائیونگ کی وجہ سے ٹریفک حادثوں سے متعلق انتہائی خراب ریکارڈ ہے۔