کراچی: پاکستان نے منگل کے روز انٹرنیشنل مانٹری فنڈ سے 554 ملین ڈالر کا قرض وصول کرلیا ہے۔

یہ قرض پاکستان کے لیے منظور شدہ 6.7 بلین ڈالر قرض کی ایک نئی کڑی ہے۔

اس سے قبل آئی ایم ایف پاکستان کو 540 ملین ڈالر کی پہلی قسط نومبر میں دے چکا ہے جبکہ آئی ایم ایف حکام کا کہنا ہے کہ معاشی ریفارمز کے حوالے سے پاکستان کافی حد تک صحیح سمت کی جانب گامزن ہے۔

اسٹیٹ بنک آف پاکستان کے ترجمان نے ایک اعلامیے میں کہا کہ پ23 دسمبر کو پاکستان کو آئی ایم کے لون کی دوسری قسط مل گئی ہے۔

قسط سے پاکستان کی معیشت کو مدد ملے گی جبکہ اس کے زرمبادلہ کے ذخائر میں بھی اضافہ ہوگا۔

تاہم آئی ایم ایف کے ڈپٹی مینیجنگ ڈائریکٹر اور نگراں چئرمین نیمت شفیق نے خبردار کیا ہے کہ پاکستان کو اپنی معیشت بہتر بنانے کے لیے ٹیکس وصولی کے نظام کو بہتر بنانا ہوگا جبکہ اس حوالے سے جاری ریفارمز کا جاری رہنا بھی ضروری ہے۔