کابل حملے میں اقوامِ متحدہ کے چار اہلکار ہلاک ہوئے: بان کی مون
اقوام متحدہ کے سیکریٹری جنرل بان کی مون نے افغان دارالحکومت کابل میں جمعے کو ریستوران پر ہوئے ایک خودکش حملے میں چودہ افراد کی ہلاکت کی مذمت کرتے ہوئے کہا ہے کہ ہلاک ہونے والوں میں اقوامِ متحدہ کے چار اسٹاف ممبرز بھی شامل ہیں۔
گزشتہ روز جمعے کو ایک بیان میں انہوں نے کہا کہ اس طرح کے حملے جن میں عام شہریوں کا نشانہ بنایا جائے وہ نا کابلِ برداشت ہیں اور یہ عالمی قوانین کی بھی خلاف ورزی ہیں ۔
اقوام متحدہ کے ڈپٹی ترجمان فرحان حق کا کہنا تھا کہ بان کی مون نے اس واقعہ کی سختی سے مذمت کی ہے۔
انہوں نے اس بات کی بھی تصدیق کی کہ اس حملے میں اقوامی متحدہ کے تین اہلکاروں سمیت دیگر عالمی تنظیموں کے اہلکار بھی ہلاک ہوئے۔
ادھر انٹرنیشنل مانیٹری فنڈز یعنی آئی ایم ایف کا بھی کہنا ہے کہ اس واقعہ میں افغانستان میں موجود ان کا ایک نمائندہ بھی ہلاک ہوا۔
خیال رہے کہ اقوامِ متحدہ 2014ء کے آخر تک افغانستان سے غیر ملکی فوجیوں کے انخلاء اور ملک کے آئندہ انتخابات کے سلسلے میں وہاں ایک اہم کردار ادا کررہاہے۔
حکام کا کہنا ہے کہ اقوامِ متحدہ جس کی بیسز پر پہلے سے ہی سیکیورٹی سخت تھی، لیکن اس حملے کے بعد اس کے عملے کے تحفظ کے لیے دیگر اقدامات کیے جائیں گے۔
لائیو ٹی وی