لیجنڈ فٹبالر ڈی سٹیفانو انتقال کر گئے
میڈرڈ: عظیم فٹبالر الفریڈو ڈی سٹیفانو پیر کو 88 سال کی عمر میں ایک ہسپانوی ہسپتال میں انتقال کر گئے۔
ارجنٹائن نژاد سابق اسٹرائیکر اور اعزازی صدر 'اپنے تمام کیریئر میں ایک بہترین کھلاڑی رہے تھے۔ فٹبال کلب 'ریئل میڈرڈ' نے کہا کہ ڈی سٹیفانو کو ہفتے کو دل کا دورہ پڑا تھا جنہیں ہسپتال لے جایا گیا تھا۔
'ریئل میڈرڈ کے مطابق 88 سالہ ڈی سٹیفانو کو دل کا دورہ اس وقت پڑا تھا جب وہ اپنے اہل خانہ کے ساتھ ریئل کے سینڈیاگو برنابیو اسٹیڈیم کے قریب دن کا کھانا کھا رہے تھے۔
انہیں تشویشناک حالت میں گریگوریو مارانن ہسپتال لے جایا گیا تھا، جہاں بعد میں وہ کوما میں چلے گئے تھے اور انہیں مشین کے ذریعے آکسجین دی جارہی تھی۔
ریئل میڈرڈ کے پیر کو جاری ایک اعلامیے میں کہا گیا ہے کہ ڈی سٹیفانو ہسپانوی دارالحکومت میں گریگوریو مارانن ہسپتال میں دم توڑ گئے۔
ریئل میڈرڈ فٹبال کلب کے صدر فلورینٹینو پیریز اور کلب کے بورڈ ڈائریکٹرز نے ان کے بچوں، ان کے خاندان اور دوستوں کے ساتھ تعزیت کا اظہار کیا ہے۔
ریئل میڈرڈ میں مشہور کھلاڑیوں میں سے ایک تھے انہوں نے 1953 سے 1964 کے درمیان گیارہ سیزن میں کلب کی نمائندگی کی، انہوں نے پانچ یورپین کپ جیتے۔
ڈی سٹیفانو بیونس آیرس میں پیدا ہوئے تھے انہوں نے اپنے پیشہ ورانہ کیریئر کا آغاز 1945میں اپنے آبائی کلب ریور پلیٹ سے کیا تھا۔
لائیو ٹی وی