زندگی گلزار ہے نے مچائی ہندوستان میں دھوم

اپ ڈیٹ 18 جولائ 2014

ہندوستانی تماشائیوں پر پاکستانی ٹیلی ویژن ڈراموں نے جادو سا طاری کر دیا ہے اور ان کو اب اپنے ملک کے بنائے گئے ساس بہو سیریلز بالکل بھی پسند نہیں آرہے۔

ہندوستانی رپورٹ کے مطابق 23 جون سے ہندوستان میں زی ٹی وی انٹرٹینمنٹ کے بینر تلے زندگی ٹی وی کے آغاز سے لے کر اب تک دکھائے جانے والے ڈراموں نے وہاں کے ٹی وی سرکٹ میں دھوم مچا دی ہے۔

اس ٹی وی چینل سے اب تک مقبول پاکستانی ڈرامے 'زندگی گلزار ہے، عون زارا، کاش میں تیری بیٹی نہ ہوتی اورکتنی گرہیں باقی ہیں دکھائی جا رہے ہیں اورعنقریب 'نورپورکی رانی' بھی آن ایئر ہوگا۔

پاکستانی ڈراموں کی مقبولیت کا اندازہ سماجی میل جول کی ویب سائیٹس، زندگی ٹی وی کے فیس بک اور آفیشل پیج، اور مختلف بلاگنگ سائیٹس پر ہونے والی گفتگو سے بھی کیا جاسکتا ہے۔

ایک خاتون بلاگر نے سماجی میل جول کی ویب سائیٹ ٹوئیٹر پر اپنے پیغام میں ہندوستانی سوپ ڈراموں کو مخاطب کرتے ہوئے کہا ہے کہ بے مغز سیریلز، آپ کو اپنے پاکستانی مسابقین سے بہت کچھ سیکھنے کی ضرورت ہے۔ زندگی گلزار ہے اورعون زارا کتنے خوبصورت ڈرامے ہیں۔

ایک اور بلاگر نے اپنے پیغام میں کہا ہے کہ زندگی ٹی وی پر پاکستانی ڈرامے ہمارے ساس بہو والی سیریلیز کیلئے شرم سے ڈوب مرنے کا مقام ہے۔

سنیل گاندھی نامی خاتون بلاگر نے لکھا 'ابھی ڈرامہ زندگی گلزارہے دیکھا۔ یہ یقیناً اس بکواس سے بہت بہتر اوراعلیٰ ہے جو ہم روزانہ اپنے ٹی وی چینلز پر دیکھ رہے ہیں۔

سوشل میڈیا استعمال کرنے والے ہندوستانی سامعین نے پاکستانی ڈراموں کے پوسٹرز شئیر کرنا شروع کر دئیے ہیں اور لوگ ایک دوسرے کو یہ ڈرامے دیکھنے کیلئے انوائیٹ بھی کر رہے ہیں۔

دلچسپ امر یہ ہے کہ پاکستانی ٹی وی ڈراموں کی نشریات کو اگرچہ ہندوستان میں شروع ہوئے محض بیس دن گزرے ہیں تاہم اس کے باوجود ان ڈراموں کے بارے میں عمومی رائے بہت مثبت اور حیران کن ہے۔

عام لوگوں کے ساتھ ساتھ شوبز سے وابستہ شخصیات نے بھی پاکستانی ڈراموں کو بھر پور انداز میں سراہا ہے، معروف بولی وڈ اداکار جاوید جعفری نے ایک انٹرویو میں بتایا کہ میں نے ایک شام تین پاکستانی ڈراموں کی اقساط ایک سیشن میں دیکھیں، میراخیال ہے کہ پاکستانی ڈرامے ہندوستانی سیریلز کیلئے مقابلہ بازی کے میدان میں سنجیدہ خطرہ ہیں۔

بگ باس سیزن سات کی فاتح اداکار گوہر خان نے بھی پاکستانی ڈراموں کیلئے انہی خیالات کا اظہارکرتے ہوئے سماجی میل جول کی ویب سائیٹ ٹوئیٹر پر اپنے پیغام میں کہا ہے کہ 'پاکستانی ڈرامے شاندار ہیں اورمجھے زندگی گلزارہے بالخصوص بہت پسند ہے۔

متعدد ہندوستانی ناظرین نے اس رائے کا بھی اظہار کیا ہے کہ پاکستانی ڈرامے سکرپٹ، ڈائیلاگ، سکرین پلے اور دیگر تکنیکی شعبوں میں ہندوستانی ٹی وی ڈراموں سے کہیں آگے ہے۔

تبصرے (6) بند ہیں

malick Jul 16, 2014 08:12pm
Zindgi gulzar hai, k sath sath doosrey dramaa bhee shandar hain, magar ye na bhoolna k India bhee shandar dramaa la sakta hai. Mera matlib hai k phool na jana k hawa nikil jaay.
sajjad Jul 17, 2014 08:02am
Pakistani Dramon ka koi tor ni
Mohammad Farhan Jul 17, 2014 11:09am
Mujhe Zindgi Gulzar hai aur Na kaho Tum Mere nahein ye 2no dramas achhe lagte hein
Wasi Jul 17, 2014 03:25pm
Hahaha indians serials 5 saal ad bi khatam nahi hotey aur reality py nahi hotey pakistani dramas main sabak hota ha saas bahu ki lariyan nahi hoti my fav is 1)Meri Zaat Zara-E-Benishan 2)Humsafar 3)Zindgi Subh Ka Sitara Ha 4)Kuch Pyar Ka Pagalpan Bi Tha 5)Zindgi Gulzar ha 6)Na Kaho Tum Mery Nahi 7)Sher-E-Zaat And Many More
junaid ghajali Jul 17, 2014 11:00pm
Its awesome shows from pakistan abhi 19july ko maat shuru horaha and then mere qatilmere dildaar....
junaid ghajali Jul 17, 2014 11:02pm
Awesome