ریاض: سعودی حکام نے منشیات کی سمگلنگ میں ملوث ایک پاکستانی کا سر قلم کر دیا۔

سرکاری خبر رساں ایجنسی ایس پی اے نے وزارت داخلہ کے حوالے سے بتایا کہ سلطان حسن خادم کو جرم ثابت ہونے پر سزائے موت سنائی گئی تھی اور جمعرات کو سزا پر عمل درآمد کیا گیا۔

رواں سال اب تک 25 افراد کو سزائے موت دی جا چکی ہے، جبکہ گزشتہ پورے سال یہ تعداد 78 تھی۔

خیال رہے کہ سعودی عرب میں رائج شریعت قوانین کے تحت ریپ، قتل، مرتد ہونے، مسلح ڈکیتی اور منشیات کی سمگلنگ پر موت کی سزا ہے۔