اسلام آباد: وفاقی دار الحکومت اسلام آباد میں چین کے سفارت خانے کی جانب سے سیلاب متاثرین کے لیے 20 لاکھ روپے کی امداد دی گئی ہے۔

عوامی جمہوریہ چین کے ایمبیسڈر سن وی ڈنگ نے وزارت خارجہ میں سیکریٹری خارجہ اعزاز احمد چوہدری کو امداد کا چیک پیش کیا۔

یہ امداد سفارت خانے کے اسلام آباد میں موجود ملازمین نے جمع کیا تھا۔

چین کے سفارت کار نے سیکریٹری خارجہ سے ملاقات میں سیلاب سے بڑے پیمانے پر جانی اور مالی نقصان پر افسوس کا اظہار کیا۔

ملاقات میں سیکریٹری خارجہ اعزاز سید نے چینی سفارت کار کا شکریہ ادا کیا۔

چین پہلا ملک ہے جس کی جانب سے سیلاب متاثرین کے لیے امداد دی گئی ہے۔

سیلاب زدگان کے لیے امداد سے دونوں ممالک کے عوام میں تعلق اور پاک چینی دوستی کی نشاندہی ہوتی ہے۔