لاہور میں طالبان کی حمایت پر قاری گرفتار
لاہور: نماز جمعہ کے خطبے میں طالبان کی حمایت کرنے پر سول ایوی ایشن اتھارٹی کے ملازم کو گرفتار کرلیا گیا ہے۔
یاد رہے کہ پشاور میں آرمی پبلک اسکول پر حملے کے بعد پاکستانی حکام نے دہشت گردوں کے خلاف کارروائیاں تیز کردی ہیں۔
اس سلسلے میں ملک بھر میں بڑی تعداد میں طالبان عسکریت پسندوں کو ہلاک یا گرفتار کیا جاچکا ہے۔
دوسری طرف جیلوں میں پھانسی کی سزا پانے والے 20 دہشتگردوں کو پھانسیاں بھی دی جاچکی ہیں۔
سول ایوی ایشن ذرائع کے مطابق ملزم قاری احرار اسٹاف کالونی کی مسجد میں قاری ہے۔
انہوں نے بتایا کہ ملزم نے جمعے کی نماز کے دوران طالبان کے حق میں بیانات دیے تھے۔
ذرائع کے مطابق حساس اداروں نے کارروائی کرتے ہوئے ملزم کو اس کے گھر سے گرفتار کیا۔
ملزم گزشتہ 20 سالوں سے سول ایوی ایشن کا ملازم تھا۔
لائیو ٹی وی
تبصرے (1) بند ہیں