رنبیر کا کترینہ سے شادی کی تاریخ کا اعلان
بولی وڈ باربی ڈول کترینہ کیف اور رنبیر کپور کا رومانوی تعلق تو کئی برس سے زبان زد عام ہے جس کی عام طو رپر یہ دونوں اسٹارز تردید کرتے رہتے ہیں تاہم اب کپور خاندان کے ہونہار اداکار نے اس کا اعتراف کرتے ہوئے شادی کی تاریخ کا بھی اعلان کردیا ہے۔
رنبیر کپور نے انڈین میڈیا کو دیئے گئے ایک انٹرویو میں کہا ہے کہ وہ کترینہ کیف سے ہی شادی کریں گے۔
انہوں نے مزید بتایا کہ کترینہ کیف اور ان کی شادی اگلے برس (2016) کے آخر میں ہوگی۔
رنبیر کا کہنا تھا کہ رواں برس ہم دونوں ہی بہت زیادہ مصروف ہیں اس لیے ہمارے پاس شادی کے لیے وقت نہیں، ہم دونوں نے اگلے برس کے آخر میں زندگی کے بھر تعلق میں بندھنے کی منصوبہ بندی کی ہے ۔
رنبیر کپور نے بتایا کہ میں اب 33 سال کا ہوچکا ہوں اور وقت آگیا ہے کہ میں اپنا خاندان بناﺅں اور کترینہ بھی ایسا چاہتی ہے، میں ایسے خاندان میں پلا بڑھا ہوں جہاں فلمیں ہی سب کچھ ہوتی ہیں تو اس لیے میں افواہوں کی اہمیت کو سمجھتا ہوں اس لیے میں اپنے اور کترینہ کے تعلقات کے حوالے سے خبروں پر ردعمل ظاہر نہیں کرتا۔
انڈین میڈیا کے مطابق رنبیر اس وقت اپنی جلد ریلیز ہونے والی فلم ' بمبئے ویلوٹ' میں مصروف ہیں جبکہ کترینہ کینز فیسٹیول کا رخ کررہی ہیں تاہم مئی کے آخر میں دونوں کی منگنی کا امکان ہے۔
لائیو ٹی وی