سعودی عرب: سابق وزیر خارجہ سعود الفیصل کا انتقال
ریاض: سعودی عرب کے سابق وزیر خارجہ سعود الفیصل جمعرات کو انتقال کر گئے۔
دنیا میں سب سے طویل عرصہ تک وزیر خارجہ رہنے والے سعود الفیصل کے اہل خانہ اور وزارت کے ترجمان نے ان کے انتقال کی تصدیق کی۔
سابق وزیر خارجہ کے بھتیجے سعود محمد ال عبداللہ ال فیصل نے ٹوئیٹر پر ان کیلئے دعا کی۔
چالیس سال تک عہدہ سنبھالنے والے سعود الفیصل کچھ عرصے سے بیمار تھے۔
پاکستان کے وزیر اعظم نواز شریف نے ان کے انتقال پر اظہار تعزیت کرتے ہوئے کہا 'سعودی اور پاکستانی عوام ایک عظیم رہنما سے محروم ہو گئے'۔
لائیو ٹی وی