پاکستانی ٹی وی میزبان عائشہ ثناء کی سوشل میڈیا پر پھیل جانے والی ویڈیو شاید اتنی مقبول نہ ہوتی اگر پاکستان کی کامیاب ماڈلز اس کی ڈب میش ویڈیو بنا کر اپنے انسٹاگرام اکاؤنٹ پر نشر نہ کرتیں۔

ماڈلز نادیہ حسین، طوبیٰ صدیقی، سنیتا مارشل اور رابعہ چوہدری نے حال ہی میں یہ مزاحیہ ڈب میش ویڈیو بنائی جس میں وہ عائشہ ثناء کی نقل کرنے کی بھر پور کوشش کر رہی ہیں۔

اگر آپ اب بھی نہیں سمجھ سکے کہ ہم کس عائشہ ثناء کی کس ویڈیو کی بات کر رہے ہیں تو اسے یہاں دیکھیں۔

عائشہ ثناء کچھ عرصہ قبل اپنے شو کے دوران اس وقت غصے میں آگئی تھیں جب انہیں محسوس ہوا کہ کیمرا ٹی وی اسکرین ان کی رنگت کو سیاہ دکھا رہا ہے۔

عائشہ اس ویڈیو میں ’میں یہاں کالی نہیں آؤں گی‘، اور ’روشنی کو تیز کریں‘ جیسے جملے بولتی نظر آئیں۔

اس ڈب میش ویڈیو کے سوشل میڈیا پر نشر ہوتے ہی لوگوں نے ٹوئٹر پر عائشہ ثناء کی ویڈیو کے متعلق اپنے رائے دینا شروع کردی۔