تبصرے (2) بند ہیں

میلے لاوو، جشن مناوو، فتح دے جھنڈے اج لہراوو بھٹو دی بیٹی آئی جے ظلم دیاں زنجیراں توڑن، مظلوماں دے رشتے جوڑن، دکھ دے دریاواں چوں گزر کے، اپنی جان تلی تے دھر کے بھٹو دی بیٹی آئی سی، انج جان وی نذر چڑھائی سی، سارے جگ وچ پئی دھائی سی، بھٹو دی بیٹی آئی سی پھانسی گھاٹ توں علم اٹھایا سی، نالے جنگ دا بِگل وجایا سی، جناں بچے اودے رلا دِتے، دویں ویر وی قتل کرا دِتے اوھناں پنڈی گھات لگائی سی، اِک سازش لکھی لکھائی سی، سارے جگ وچ پئی دھائی سی، بھٹو دی بیٹی آئی سی چہوی(٢٤) سال دی عمرے جنگ چڑھی، تی (٣٠) سال کفن سِر بن کے لڑی، نا او کارساز بمباں توں ڈری، سج دج نال مقتل وچ اتری جدوں قاتلاں گل مکائی سی، روئی اتھرواں نال خدائی سی،سارے جگ وچ پئی دھائی سی، بھٹو دی بیٹی آئی سی کِسے بے نظیر فیر آوناں نہیں، لوکاں عشق دا میلا لاوناں نہیں، چارے صوبیاں دی زنجیر بنی، نالے ملک دی او تقدیر بنی جِنے جِندڑی اودی بنائی سی، اونے اِنج دی لکھی جدائی سی،سارے جگ وچ پئی دھائی سی، بھٹو دی بیٹی آئی سی آئی سی اِنج آئی سی، عمراں دی پئی جدائی سی

@Ashian Ali Malik .ھٹو دی بیٹی آئی سی آئی سی اِنج آئی سی، عمراں دی پئی جدائی سی