رنبیر-کترینہ بریک اپ پر کرینہ کپور کا ردعمل
بولی وڈ جوڑی رنبیر کپور اور کترینہ کیف کے بریک اپ کے بعد سے دونوں نے ہی چپ سادھ رکھی ہے اور میڈیا پر اس حوالے سے کوئی بات نہیں کی لیکن اب رنبیر کی کزن اور اداکارہ کرینہ کپور خان کا اس بریک اپ پر ردعمل سامنے آیا ہے۔
انڈیا ٹوڈے کی ایک رپورٹ کے مطابق ایک انٹرویو کے دوران کرینہ کپور خان کا کہنا تھا ’اگر رنبیر مجھ سے اس حوالے سے بات کرتے تب بھی میں میڈیا پر اس بارے میں کچھ نہیں کہتی، کیوں کہ یہ ان کا ذاتی معاملہ ہے۔ میں اپنے بھائی سے بہت پیار کرتی ہوں اور میری دعا ہے کہ انہیں اپنی زندگی میں ہمیشہ کامیابی ملے‘۔
مزید پڑھیں: کترینہ کا رنبیر کو 'دھوکا'، سدھارتھ کے ساتھ شوٹنگ
کرینہ سے جب ان کی کامیاب شادی شدہ زندگی کے حوالے سے سوال کیا گیا تو ان کا کہنا تھا ’اس کا کوئی فارمولہ نہیں، کبھی کبھی 20 سال گزرنے کے بعد بھی ایک رشتہ ٹوٹ جاتا ہے، آپ کسی اور سے ملتے ہیں اور آپ کو اچانک وہ اچھا لگنے لگتا ہے‘۔
بولی وڈ 'بیبو' ان دنوں اپنی فلم ’کی اینڈ کا‘ کی شوٹنگ میں مصروف ہیں جس میں ان کے ہمراہ ارجن کپور اہم کردار ادا کریں گے۔
یہ بھی پڑھیں: ارجن اور کرینہ ’کی اینڈ کا‘ کے روپ میں
اس فلم میں کرینہ کپور ایک ملازمت پیشہ خاتون کا کردار ادا کریں گی جبکہ ارجن گھریلو شوہر کے روپ میں نظر آئیں گے۔
آر بالکی کی ہدایت میں بننے والی فلم ’کی اینڈ کا‘ رواں سال یکم اپریل کو نمائش کے لیے پیش کی جائے گی۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی