اگر تو آپ کراچی یا لاہور میں مقیم ہو تو ایسا لگتا ہے کہ جیسے ہر ایک کے پاس ہی کم از کم ایک اسمارٹ فون تو ہے۔

مگر پورے پاکستان کی بات کی جائے تو جدید ٹیکنالوجی کی مظہر یہ ڈیوائس کافی نایاب ہے۔

امریکا کے پیو ریسرچ سینٹر کی جانب سے دنیا بھر میں اسمارٹ فون صارفین کے ڈیٹا پر ایک ٹوئیٹ جاری کیا گیا ہے جس میں پاکستان کے اسمارٹ فون صارفین کی تعداد بھی درج ہے۔

پاکستان میں اسمارٹ فون صارفین کی کل تعداد اس ادارے کے مطابق 11 فیصد ہے۔

اس کے مقابلے میں انڈیا میں 17 فیصد افراد اسمارٹ فونز استعمال کرتے ہیں۔

تاہم اس معاملے میں سب سے اوپر جنوبی کوریا ہے جس کی 88 فیصد آبادی اسمارٹ فونز استعمال کرتی ہے جس کے بعد 77 فیصد کے ساتھ آسٹریلیا ہے۔

حیرت انگیز طور پر جاپان جیسے ترقی یافتہ ملک میں صرف 39 افراد کے پاس یہ ڈیوائسز ہیں اور ویت نام میں یہ شرح 35 فیصد ہے۔

ویسے تو اسمارٹ فونز کا استعمال دنیا بھر میں بڑھ رہا ہے مگر افریقی ممالک ایتھوپیا اور یوگنڈا میں محض 4 فیصد افراد اس کو استعمال کررہے ہیں۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔