بیوی پر ہلکا تشدد؟ ماہرہ اور حمزہ کا جواب

01 جون 2016

ای میل

پاکستانی اداکار حمزہ علی عباسی اور ماہرہ خان نے حال ہی میں سوشل میڈیا پر ایک ویڈیو ریلیز کی جس میں وہ اسلامی نظریاتی کونسل کی جانب سے حال ہی میں پیش کیے حقوق نسواں کے حوالے سے پیش کی جانے تجاویز کے خلاف نظر آئے۔

واضح رہے کہ حال ہی میں اسلامی نظریاتی کونسل نے حقوق نسواں بل کے لیے اپنی تجاویز پیش کی تھیں جن میں بیوی پر ہلکے پھلکے تشدد کی اجازت بھی شامل تھی۔

مزید پڑھیں: بیوی کو چھوڑیں ان چیزوں پر ہلکا تشدد کرلیں

اس کے فوری بعد سوشل میڈیا پر لوگوں نے اس تجویز کو شدید تنقید کا نشانہ بنایا ساتھ ساتھ اداکار حمزہ علی عباسی بھی اس کے خلاف آواز اٹھاتے نظر آئے۔

اور اب حمزہ علی عباسی نے ساتھی اداکارہ ماہرہ خان کے ساتھ مل کر ایک مزاحیہ ویڈیو اپنے انسٹاگرام اکاؤنٹ ہر شئیر کی جو یقیناً ان تجاویز پر تنقید ہے۔

Try beating me lightly! @mahirahkhan

A video posted by Hamza Ali Abbasi (@hamzaaliabbasiofficial) on

اس ویڈیو میں دکھایا گیا کہ حمزہ ماہرہ پر تشدد کرنے کی کوشش کررہے ہیں جس کے جواب میں ماہرہ نے حمزہ کی ہی زور دار پٹائی لگادی۔

ویڈیو کے ذریعے دراصل یہ دونوں اداکار یہ دکھانا چاہتے ہیں کہ خواتین کمزور نہیں اور انہیں اپنا دفاع کرنا بخوبی آتا ہے۔


آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔