پاکستان کے دانیال انڈر19 بیڈمنٹن ٹورنامنٹ کے چیمپیئن
پاکستان کے دانیال علی نے چیک ریپبلک کے تھامس ابراہام کو شکست دے کر ایڈریا انڈر17 انٹرنیشنل بیڈمنٹن ٹورنامنٹ کا چیمپیئن بننے کا اعزاز حاصل کر لیا۔
کروشیا میں 10 سے 12 جون کے درمیان منعقد ہونے وال ایڈریا انڈر17 بیڈمنٹن ٹورنامنٹ میں دانیال نے شاندار کارکردگی کا مظاہرہ کرتے ہوئے کوارٹر فائنل میں میزبان ملک کے فران پیپو نک کو 21-10 اور 21-10 سے شکست دی۔
پاکستانی نوجوان اسٹار نے سیمی فائنل میں بہترین کارکردگی کا سلسلہ جاری رکھتے ہوئے میزبان کروشیا کے ہی لوکا گروبک کو 21-10 اور 21-15 سے زیر کر کے فائنل میں جگہ بنائی۔
دانیا نے فائنل میں جمہوریہ چیک کے تھامس ابراہام کو 21-13 اور 21-10 سے زیر کر کے انڈر17 بیڈمنٹن ٹورنامنٹ کا چیمپیئن بننے کا اعزاز حاصل کر لیا۔
اس فتح کے بعد دانیال سربیا میں 17 سے 19 جون تک ہونے والی انڈر 17 مقابلے میں شریک ہوں گے جس کے بعد وہ تھالینڈ میں نو سے 17 جولائی تک ہونے والے ایشیا جونیئر چیمپیئن شپ میں شرکت کریں گے۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی