چین میں سیکڑوں فٹ بلندی پر قائم گلاس برج پر جہاں سیاح تفریح کے شوق سے چڑھنا پسند کرتے ہیں، وہیں کچھ لوگ ایسے بھی ہیں جو خوف کی وجہ سے اس برج پر چھڑھنے کے بعد روتے ہیں یا پھر ان کی چیخیں نکل جاتی ہیں۔

صوبہ ہنین میں واقع شیشے کے اس پل سے حسین نظاروں سے لطف اندوز ہونے کے لیے روز ہزاروں افراد آتے ہیں۔

کچھ لوگ خوف کے مارے ہر قدم پھونک پھونک کر رکھتے ہیں، جبکہ کچھ دوستوں کے سہارے کے بغیرایک قدم بھی آگے نہیں بڑھا سکتے۔

صرف انسان ہی نہیں، بلکہ جانور بھی اس پل سے گزرتے ہوئے ڈرتے ہیں۔