صحت غذ١ کاروبار موبائل فون‎حیرت انگیز غزہ المیہ

رواں برس 28 اپریل کو ریلیز کی گئی بھارتی فلم ’باہو بلی 2‘ کے چرچے تاحال زبان زد عام ہیں،اور فلم کی کمائی کا سسلسلہ بھی جاری ہے۔

تاہم پہلی بار باہوبلی فلم سیریز سے متعلق ایسے حیران کن انکشافات سامنے آئے ہیں، جن کی وجہ سے شائقین ایک بار پھر فلم کی ٹیم کی تعریف کرنے پر مجبور ہیں۔

باہو بلی سیریز کی پہلی فلم 10 جولائی 2015 کو ریلیز کی گئی تھی، جس نے بھی دنیا میں دھوم مچائی تھی۔

باہو بلی’دی بگننگ‘ کے نام سے جاری ہونے والی اس فلم کے 2 سال بعد ٹیم نے حیران کن انکشافات کیے ہیں۔

ہندوستان ٹائمز میں شائع رپورٹ کے مطابق باہو بلی فلم کی ریکارڈنگ کے دوران ایک نئی مقامی زبان کی تیاری سمیت اس فلم کی کئی بار 24 گھنٹے تک مسلسل ریکارڈنگ کی جاتی رہے، جب کہ فلم میں بہترین وژوئل افیکٹس کے لیے دنیا کے کئی ممالک کے آرٹسٹوں کی خدمات حاصل کی گئیں۔

نئی زبان کی تخلیق

باہو بلی کی ٹیم نے بھارت کے دیہاتی قبیلے ’کالاکیاز‘ کی مقامی زبان ’کِلیکِلِ‘کی نئی تخلیق کی۔

یہ بھی پڑھیں: ہندوستان کی مہنگی ترین فلم بھی کاپی نکلی

فلم کی ٹیم نے 748 الفاظ پر مشتمل اس زبان کے لیے 40 گرامر کے اصول ترتیب دیے۔

گنیز ورلڈ ریکارڈ

باہو بلی فلم کو یہ اعزاز بھی حاصل ہے کہ اس فلم کا دنیا میں سب سے بڑا پوسٹر بھی بنایا گیا تھا۔

بھارتی ریاست کیرالہ میں فلم کی ٹیم نے ایک قلعے کے اندر زمین پر 5 ہزار اسکوائر فٹ کا پوسٹر بناکر اپنا نام گنیز ورلڈ آف ریکارڈ میں درج کروایا۔

وزن کا اضافہ

فلم میں بھلال دیوہ کا کردار ادا کرنے والے اداکار رانا دگوبتی نے فلم کے لیے اپنا وزن 33 کلو تک بڑھایا، اور انہوں نے کئی دن تک یومیہ 40 انڈوں کی سفیدی کھائی۔