صحت غذ١ کاروبار موبائل فون‎حیرت انگیز غزہ المیہ ایران اسرائیل کشیدگی

فلم ’نامعلوم افراد‘ کے سیکوئل کا تو مداح بےصبری سے انتظار کر ہی رہے ہیں، لیکن جب سے اعلان ہوا کہ اس فلم میں ماڈل صدف کنول ایک آئٹم سانگ کرتی نظر آئیں گی تو شائقین فلم سے زیادہ اس گانے کی ویڈیو دیکھنے کے لیے پرجوش رہے جسے آخر کار ریلیز بھی کردیا گیا۔

یہ صدف کنول کا پہلا آئٹم سانگ ہے، اس حوالے سے انہوں نے ڈان کو دیے ایک انٹرویو میں بتایا تھا کہ وہ فلم میں عربک اسٹائل میں فلمائے گئے گانے میں ڈانس کرتی نظر آئیں گی۔

آئٹم سانگ ’کیف و سرور‘ کی ویڈیو میں دیکھا جاسکتا ہے کہ صدف کنول بیلی ڈانس کررہی ہیں، جبکہ سامنے عرب شیخ (نیئر اعجاز) بیٹھے ہیں۔

ابھی اس حوالے سے کچھ معلوم نہیں کہ صدف کنول فلم میں صرف آئٹم سانگ کرتی نظر آئیں گی، یا انہیں کسی مختصر کردار میں بھی دیکھا جاسکے گا، تاہم کہنا غلط نہیں ہوگا کہ گانے کی موسیقی نہایت متاثر کن ہے۔

خیال رہے کہ صدف کنول کی ڈانس کوریو گرافر نگاہ تھیں۔

یہ بھی پڑھیں: صدف کنول ’نامعلوم افراد 2‘ میں آئٹم سانگ کریں گی

نامعلوم افراد 2 عیدالاضحیٰ کے موقع پر ریلیز کی جائے گی، یہ 2014 کی بلاک بسٹر مووی نامعلوم افراد کا سیکوئل ہے۔

فلم کی مرکزی کاسٹ میں فہد مصطفیٰ، عباس حیدر، اور جاوید شیخ سمیت پہلی فلم کی کاسٹ کے دیگر اداکار بھی شامل ہیں۔

جب کہ اس فلم کے ذریعے مرینہ خان اپنا ڈیبیو کرنے جا رہی ہیں، فلم میں ہانیہ عامر اور عروہ حسین بھی اہم کردار ادا کرتی نظر آئیں گی، تاہم ٹریلر میں ان دونوں اداکاراؤں کو بہت زیادہ پیش نہیں کیا گیا۔

یہ بھی پڑھیں: مرینہ خان کا ’نامعلوم افراد 2‘ کے ساتھ فلم ڈیبیو

فلم کی ہدایات نبیل قریشی نے دی ہیں، جب کہ فلم کو فضا علی مرزا پروڈیوس کر رہی ہیں۔

خیال رہے کہ حال ہی میں اداکار حمزہ علی عباسی نے اپنے فیس بک اکاؤنٹ پر ایک پوسٹ کے ذریعے آئٹم سانگ فلمانے والے ایک ہدایت کار پر تنقید کرتے ہوئے کہا تھا کہ ’بہت افسوس اور مایوسی کی بات ہے کہ ابھی بھی بہت سے بہترین پاکستانی فلم ساز اپنی فلموں کی اچھی کمائی کے لیے ان میں آئٹم سانگز شامل کررہے ہیں‘۔

یہ بھی پڑھیں: حمزہ علی عباسی ایک مرتبہ پھر آئٹم سانگ کے خلاف بول اٹھے

جس سے ایسا محسوس ہورہا تھا کہ وہ ہدایت کار نبیل قریشی پر تنقید کررہے ہیں۔

اب دیکھنا یہ ہے کہ حمزہ علی عباسی کا اس آئٹم سانگ کی ویڈیو پر کیا ردعمل ہوگا۔