جماعت اسلامی کے امیر سراج الحق نے پاکستان پیپلز پارٹی (پی پی پی) کے سربراہ بلاول بھٹو زرداری کو بلاول ہاؤس 50 لاکھ روپے میں خریدنے کی پیشکش کی ہے۔

خیال رہے کہ بلاول بھٹو زرداری نے اپنے کاغذات نامزدگی میں بلاؤل ہاؤس کراچی کی قیمت 30لاکھ روپے ظاہر کی تھی۔

کراچی میں پریس کانفرنس کرتے ہوئے سراج الحق نے کہا کہ بلاؤل اگر بلاؤل ہاؤس 50 لاکھ روپے میں ان کو دے دیتے ہیں، تو انہیں 20 لاکھ روپے کا فائدہ ہوگا جبکہ جماعت اسلامی بلاؤل ہاؤس میں ’آغوش‘ کے نام سے یتیم خانہ بنا لے گی۔