فیس بک اپنے صارفین کو 'خود' سے دور رکھنے کی خواہشمند
سماجی رابطے کی ویب سائٹ فیس بک کے صارفین لگتا ہے کہ اس پر اتنا زیادہ وقت گزارنے لگے ہیں کہ اب وہ چاہتی ہے کہ لوگ کچھ دیر کے لیے تو اس سوشل میڈیا کی جان چھوڑ دیں۔
جی ہاں سننے میں تو حیران کن لگے گا مگر فیس بک اب اپنے صارفین کو اس ورچوئل دنیا سے نکل کر حقیقی دنیا میں وقت گزارنے کی ترغیب دینا چاہتی ہے۔
اور یہی وجہ ہے کہ اس نے ایک نئے فیچر پر کام شروع کردیا ہے جو لوگوں کو یہ احساس کرنے میں مدد دے گا کہ انہوں نے کتنا وقت فیس بک استعمال کرنے میں ضائع کردیا۔
مزید پڑھیں : فیس بک چھوڑیں ، ایکسرسائز کریں: زکر برگ
مارک زکربرگ کا یہ سوشل میڈیا نیٹ ورک ' Time Well Spent ' نامی فیچر پر کام کررہا ہے جو کہ بتائے گا کہ آپ نے گزشتہ ہفتے کتنے گھنٹے اس ویب سائٹ پر گزارے۔
اسے ایک ٹوئٹر صارف جین وونگ نے دریافت کیا جس کا کوڈ اس وقت فیس بک کی اینڈرائیڈ ایپ میں چھپا ہوا ہے۔
Facebook is working on "Your Time on Facebook" which could help users to manage their time spent on Facebook app.
— Jane Manchun Wong (@wongmjane) June 22, 2018
Instagram is also working on helping users to improve their digital wellbeing: https://t.co/y38mV3RtqB
as previously spotted: https://t.co/D26M9RuSxG pic.twitter.com/YqSyH0fpII
انسٹاگرام کی جانب سے فوٹو شیئرنگ نیٹ ورک میں بہت زیادہ وقت گزارنے والے صارفین کو حقیقی دنیا میں رہنے کے لیے ایک فیچر پر کام کیا جارہا ہے۔
فیس بک نے بھی اس نئے فیچر پر کام کرنے کی تصدیق کی ہے۔
فیس بک کے ترجمان کے مطابق ہم ہمیشہ ایسے نئے ذرائع پر کام کرتے رہتے ہیں جو کہ فیس بک پر لوگوں کو اپنا وقت مثبت انداز میں گزارنے میں مدد دے سکے۔
یہ بھی پڑھیں : مارک زکربرگ کیا جاسوسی کے خیال سے پریشان؟
اکثر کمپنیاں اس وقت لوگوں میں ٹیکنالوجی کی لت کو ختم کرنے کے لیے مختلف چیزوں پر کام کررہی ہیں۔
اس سلسلے میں ایپل نے بھی حال ہی میں ایسے فیچرز متعارف کرائے تھے جو ہر وقت آئی فون میں گم رہنے والے افراد کو اس لت سے باہر نکال سکیں۔
ایپل کے مطابق ایک فیچر ایسا بھی ہوگا جو کہ والدین کو ان کے بچوں کے فون کے استعمال کے حوالے سے رپورٹ فراہم کرے گا تاکہ انہیں اس لت سے بچایا جاسکے۔
لائیو ٹی وی