الیکشن کمیشن آف پاکستان (ای سی پی) نے ووٹ کی رازداری مجروح کرنے پر پاکسان تحریک انصاف (پی ٹی آئی) کے چیئرمین عمران خان کو ذاتی طور پر یا وکیل کے ذریعے وضاحت کے لیے طلب کرلیا۔

ڈان نیوز کے مطابق الیکشن کمیشن نے کہا ہے کہ عمران خان نے ووٹ کی راز داری مجروح کرکے الیکشن کمیشن کے ضابطہ اخلاق کی خلاف ورزی کی ہے، وہ ذاتی طور پر یا اپنے وکیل کے ذریعے 30 جولائی کو الیکشن کمیشن میں آکر اپنے عمل کی وضاحت کریں۔