ملک میں قومی اسمبلی کی 11 اور صوبائی اسمبلی کی 24 نشستوں پر ضمنی انتخابات کے لیے پولنگ کا عمل صبح 8 بجتے ہی شروع ہوگیا اور پولنگ اسٹیشنوں میں ووٹرز کی آمد کا سلسلہ بھی جاری ہے۔

الیکشن کمیشن کی جانب دی گئی ہدایات کے مطابق قومی و صوبائی اسمبلی کی 35 نشستوں کے لیے پولنگ کا عمل صبح 8 بجے سے شام 5 بجے تک جاری رہے گا جس کے لیے سیکیورٹی کے سخت اقدامات کیے گئے ہیں۔

ضمنی انتخابات کے لیے الیکشن کمیشن نے تمام تر تیاریوں کو حتمی شکل دے رکھی ہے اور انتخابی سامان کی ترسیل متعلقہ حلقوں میں کردی گئی ہے۔