کراچی: پاک سرزمین پارٹی (پی ایس پی) کے سربراہ مصطفیٰ کمال کا کہنا ہے کہ اگر شہرِ قائد کے ضمنی انتخاب میں ان کا امید وار کامیاب ہوگا تو وہ حکومت کو کراچی کے مسائل سے آگاہ کرے گا۔

میڈیا نمائندوں سے بات کرتے ہوئے انہوں نے کہا کہ لوگ گھروں سے نکلیں اور اپنا حقِ رائے دہی استعمال کریں اور پی ایس پی کے امیدوار کو کامیاب کروائیں۔

ان کا مزید کہنا تھا کہ مجھے امید ہے کہ الیکشن کے دوران تمام چیزیں بہتر ہوں گی اور آر ٹی ایس سسٹم اچانک خراب نہیں ہوگا۔