بھارتی نیوی کا ہیلی کاپٹر سمندر میں گر کر تباہ

17 اپريل 2019
چیتک ہیلی کاپٹر بھارتی نیوی کے بیڑے میں فرسودہ تصور کیا جاتا ہے — فائل فوٹو/اے ایف پی
چیتک ہیلی کاپٹر بھارتی نیوی کے بیڑے میں فرسودہ تصور کیا جاتا ہے — فائل فوٹو/اے ایف پی

بھارتی نیوی نے تصدیق کی ہے کہ ان کا ہیلی کاپٹر سمندر گر کر تباہ ہوگیا تاہم اس میں سوار تمام افراد محفوظ رہے۔

خبر رساں ویب سائٹ اسپاٹنک کی رپورٹ کے مطابق بھارتی نیوی کا کہنا تھا کہ چیتک ہیلی کاپٹر گزشتہ ہفتے تکنیکی خرابی کی وجہ سے بحیرہ عرب میں گر کر تباہ ہوا۔

مزید پڑھیں: مقبوضہ کشمیر میں بھارتی فضائیہ کا ہیلی کاپٹر گر کر تباہ، فوجیوں سمیت 5 افراد ہلاک

بھارتی وزارت دفاع نے بیان جاری کرتے ہوئے کہا کہ ‘رپورٹس کے مطابق ہیلی کاپٹر میں تکنیتی خرابی ہوگئی تھی تاہم ہیلی کاپٹر میں موجود کرو نے پیشہ ورانہ صلاحیت کا مظاہرہ کرتے ہوئے اسے سمندر میں اتارا اور خود بھی اس سے باحفاظت باہر نکلنے میں کامیاب ہوئے‘۔

خیال رہے کہ گزشتہ سال اکتوبر کے مہینے میں چیتک ہیلی کاپٹر ممبئی سے بنگلور جاتے ہوئے چنائی نیول بیس پر گر کر تباہ ہوگیا تھا۔

یہ بھی پڑھیں: پاکستان کے ساتھ جھڑپ میں بھارتی ہیلی کاپٹر اسرائیلی میزائل سے تباہ ہوا؟

فرانس کا تیار کردہ چیتک ہیلی کاپٹر نیوی کے ہیلی کاپٹر کے بیڑے میں فرسودہ تصور کیا جاتا ہے۔

بھارتی نیوی تمام چیتک ہیلی کاپٹر کو کے بدلے میں 111 نیول یوٹیلیٹی ہیلیکاپٹرز خریدنا چاہتے ہے جس کے لیے ٹینڈر کا پراسس جاری ہے۔

بھارتی نیوی کے چیتک ہیلی کاپٹر ریسکیو آپریشنز کے لیے استعمال کیے جاتے ہیں۔

تبصرے (0) بند ہیں