مومنہ مستحسن کا ایک اور گانا 'باری' سامنے آگیا
اپ ڈیٹ 27 نومبر 2019
پاکستان کی نامور گلوکارہ مومنہ مستحسن نے اپنا ایک اور گانا ریلیز کردیا جس میں ان کے ساتھ گلوکار بلال سعید نے پرفارم کیا۔
ان دونوں کا نیا پنجابی گانا 'باری' پرانی موسیقی کی یادیں تازہ کردے گا۔
گانے کی ویڈیو میں بلال اور مومنہ کی رومانوی کہانی کو پیش کیا گیا جبکہ اس کی شوٹنگ لاہور میں کی گئی۔
مزید پڑھیں: مومنہ مستحسن، عزیر جسوال کا گانا 'ہمیشہ' ریلیز
ویڈیو میں دکھایا گیا کہ بلال بیرون ملک سے واپس آئے ہیں اور مومنہ کی ایک جھلک دیکھنے کو بےتاب ہیں۔
اس گانے میں یوٹیوبر رحیم پردیسی کو بھی کچھ مناظر کے لیے شامل کیا گیا۔
خیال رہے کہ اس گانے سے قبل مومنہ مستحسن کا ایک اور گانا 'ہمیشہ' ریلیز ہوا تھا جس میں انہوں نے گلوکار عزیر جسوال کے ساتھ پرفارم کیا۔
تبصرے (0) بند ہیں