کورونا وائرس کے باوجود مقبوضہ کشمیر میں پابندیوں پر تشویش ہے، پاکستان

30 مارچ 2020

ای میل

پاکستان نے دنیا بھر میں کورونا وائرس کے باعث پیدا ہونے والی ایمرجنسی کی صورت حال کے باوجود مقبوضہ جموں وکشمیر میں بھارتی مظالم پر تشویش کا اظہار کردیا۔

دفترخارجہ کی ترجمان عائشہ فاروقی کی جانب سے جاری بیان کے مطابق 'مقبوضہ جموں و کشمیر میں کوروناوائرس کے کئی کیسز کی تصدیق کے باوجود خطے میں عائد پابندیوں پر پاکستان کو گہری تشویش ہے '۔

اپنے بیان میں انہوں نے کہا کہ 'ہزاروں کشمیر ی نوجوان، سو ل سوسائٹی کے اراکین، صحافی اور سیاسی قیادت بدستور بھارتی جیلوں میں قید ہیں جن میں کئی افراد کو خاندانوں سے دور نامعلوم مقامات پر منتقل کیا گیا ہے'۔

بیان میں کہا گیا ہے کہ دنیا اس وقت صحت کے حوالے سے بدترین ایمرجنسی کا شکار ہے جبکہ بھارت کی 9 لاکھ فوج اورپیرا ملٹری مقبوضہ جموں وکشمیر میں معصوم شہریو ں پر ظلم و ستم ڈھانے میں مصروف ہے۔

خبر کی تفصیل یہاں پڑھیں۔