نواب شاہ میں ایئرپورٹ پولیس اسٹیشن کی حدود میں واقع مسجد میں پولیس اور نمازیوں کے درمیان جھڑپ میں ایک خاتون اہلکار زخمی ہوگئی۔

ذرائع کے مطابق سرور شاہ کالونی میں واقع طوبہ مسجد میں نمازِ جمعہ کے اجتماع کی معلومات ملنے پر پولیس نے مسجد پہنچ کر پیش امام کو گرفتار کرنے کی کوشش کی۔

جس پر نمازیوں نے مشتعل ہو کر پولیس پر پتھراؤ کیا جس کے نتیجے میں خاتون اہلکار زخمی ہوگئیں اور پولیس کی بھاری نفری نے جائے وقوعہ پر پہنچ کر علاقے کو سیل کردیا۔

پولیس نے پیش امام کو گرفتار کرلیا جبکہ خاتون پولیس اہلکار کو پیپلز میڈیکل یونیورسٹی ہسپتال لے جایا گیا جہاں انہیں ابتدائی طبی امداد فراہم کی گئی۔

دوسری جانب علاقہ مکینوں کا کہنا ہے کہ پولیس جوتوں سمیت مسجد کے اندر داخل ہوئے اور بدتمیزی کی۔