ایبٹ آباد میں ایس او پیز کی خلاف ورزی پر 13 دکانیں بند
ایبٹ آباد کی ضلعی انتظامیہ نے کورونا وائرس کے پھیلاؤ کو روکنے کے لیے دی گئی ہدایات کی خلاف ورزی پر 13 دکانوں کو بند کردیا۔
ڈان اخبار کی رپورٹ کے مطابق اسسٹنٹ کمشنر ایبٹ آباد ڈاکٹر مجتبیٰ بھروانہ نے ٹیکس افسر مظہر اعوان کے ہمراہ شہر کے بازاروں کا دورہ کیا تھا اور لاؤڈ اسپیکرز کے ذریعے بارہا اعلان کرتے ہوئے دکانداروں اور خریداروں کو کورونا وائرس اسٹینڈرڈ آپریٹنگ پروسیجرز(ایس او پیز) پر عمل کرنے پر زور دیا تھا لیکن اس کا کوئی فائدہ نہ ہوا۔
انہوں نے نوٹ کیا کہ اکثر دکانوں پر خریداروں کو ہجوم تھا جن میں سے اکثر نے ماسکس نہیں پہنے ہوئے تھے۔
جس کے باعث اسسٹنٹ کمشنر نے دکانوں کو بند کرادیا اور مالکان کو مستقبل میں ایس او پیز پر عمل نہ کرنے کی صورت میں سخت قانونی سزا کی تنبیہ بھی کی۔
ساتھ ہی حکام نے سماجی دوری کو یقینی بنانے کے لیے دکانوں کے باہر نشان بھی لگائے۔
ْ
لائیو ٹی وی