ڈان نیوز چینل پر ہیکرز کا حملہ، اسکرین پر بھارتی ترنگا لہرانے کی تحقیقات
ڈان نیوز ٹی وی پر آج ہیکرز نے حملہ کیا جس کے بعد چینل کی اسکرین پر اچانک بھارتی ترنگے کے ساتھ ساتھ ہیپی انڈی پینڈنس ڈے کا ٹیکسٹ نشر ہونے لگا جس پر معاملے کی تحقیقات کا حکم دے دیا گیا ہے۔
اتوار کو ڈان نیوز کی نشریات معمول کے مطابق جاری تھیں کہ اچانک اسکرین پر چلنے والے کمرشل کے اوپر بھارتی جھنڈا اور ہیپی انڈیپینڈنس ڈے کا ٹیکسٹ نمودار ہوا جو کچھ دیر تک رہا اور پھر غائب ہوگیا۔
ڈان نیوز اپنی اسکرین پر اچانک بھارتی جھنڈےاور ہیپی انڈپینڈنس ڈے کا ٹیکسٹ نشر ہونے کی تحقیقات کررہا ہے۔
ادارہ اس معاملے کی تحقیقات کررہا ہے اور جیسے ہی کسی حتمی نتیجے پر پہنچے گا اپنے ناظرین کو آگاہ کرے گا۔
ڈان نیوز انتظامیہ کا کہنا ہے کہ اس معاملے پر ابھی کچھ بھی کہنا قبل از وقت ہوگا۔
لائیو ٹی وی