• KHI: Maghrib 7:22pm Isha 8:51pm
  • LHR: Maghrib 7:08pm Isha 8:47pm
  • ISB: Maghrib 7:19pm Isha 9:03pm
  • KHI: Maghrib 7:22pm Isha 8:51pm
  • LHR: Maghrib 7:08pm Isha 8:47pm
  • ISB: Maghrib 7:19pm Isha 9:03pm

اداکارہ بینش راجا رشتہ ازدواج سے منسلک ہوگئیں؟

شائع August 10, 2021
یہ واضح نہیں کہ اداکارہ نے کب شادی کی—فوٹو: انسٹاگرام
یہ واضح نہیں کہ اداکارہ نے کب شادی کی—فوٹو: انسٹاگرام

'دل بے خبر، یقین کا سفر، سنگ مرر اور نظر بد' جیسے ڈراموں میں اداکاری کرنے والی بینش راجا سے متعلق خبریں ہیں کہ انہوں نے خاموشی سے شادی کرلی۔

شوبز سوشل میڈیا پیجز اور ویب سائٹس کے مطابق اداکارہ نے دارالحکومت اسلام آباد میں حال ہی میں اپنے دیرینہ دوست سے اہل خانہ اور قریبی رشتہ داروں کی موجودگی میں شادی کی۔

بینش راجا کی شادی کی تصاویر سوشل میڈیا پر وائرل ہوگئیں اور شوبز شخصیات سمیت مداحوں نے بھی انہیں مبارک باد پیش کی۔

وائرل ہونے والی شادی کی تصاویر میں اداکارہ کو سرخ رنگ کے عروسی لباس جب کہ ان کے جیون ساتھی کو سنہری رنگ کے کرتے میں دیکھا جا سکتا ہے۔

شوبز ویب سائٹ رویو اٹ پی کے نے بتایا کہ بینش راجا کی شادی اسلام آباد میں ہوئی اور انہوں نے اپنے دیرینہ دوست کے ساتھ شادی کی ہے، جن سے ان کے بچپن سے تعلقات ہیں۔

یہ واضح نہیں ہوسکا کہ اداکارہ کی شادی کب ہوئی اور اس حوالے سے اداکارہ نے اپنے سوشل میڈیا اکاؤنٹس پر اس حوالے سے کوئی پوسٹ شیئر کی؟

تاہم بعض سوشل میڈیا پیجز پر بھی ان کی شادی کی تصاویر شیئر کرتے ہوئے بتایا گیا کہ اداکارہ نے اسلام آباد میں حال ہی میں چھوٹی تقریب میں رشتے داروں کی موجودگی میں شادی کی۔

بینش راجا کے سوشل میڈیا اکاؤنٹس پر ان کی شادی سے متعلق 10 اگست کی صبح تک کوئی پوسٹ شیئر نہیں کی گئی تھی۔

اداکارہ کے شوہر کا تعلق شوبز سے نہیں ہے—فوٹو: انسٹاگرام
اداکارہ کے شوہر کا تعلق شوبز سے نہیں ہے—فوٹو: انسٹاگرام

بینش راجا نے متعدد ڈراموں میں شاندار کردار ادا کرنے سمیت چند گانوں میں بھی پرفارمنس کی اور وہ پاک فوج کو خراج عقیدت پیش کرنے والے عاطف اسلم کے گانے زمین جاگتی ہے میں بھی دکھائی دی تھیں۔

بینش راجا کو سب سے زیادہ مقبولیت 2016 کے رومانوی ڈرامے سنگ مر مر میں درخانے کا کردار ادا کرنے سے ملی لیکن اس کے بعد انہوں نے یقین کا سفر، دل بے خبر اور زرد زمانوں کا سفر میں بھی شاندار اداکاری کی۔

اداکارہ نے اپنے سوشل میڈیا پر شادی کے حوالے سے فوری طور پر کوئی پوسٹ نہیں کی—فائل فوٹو: انسٹاگرام
اداکارہ نے اپنے سوشل میڈیا پر شادی کے حوالے سے فوری طور پر کوئی پوسٹ نہیں کی—فائل فوٹو: انسٹاگرام

کارٹون

کارٹون : 13 جون 2024
کارٹون : 12 جون 2024