ٹیکس ادا نہ کرنے والے سیاستدان کرپٹ ہیں، شاہد خاقان عباسی

اپ ڈیٹ 21 نومبر 2021
انہوں نے کہا کہ اگر آپ حقیقتاً احتساب چاہتے ہیں تو میں اس کے لیے حاضر ہوں—فوٹو: ڈان نیوز
انہوں نے کہا کہ اگر آپ حقیقتاً احتساب چاہتے ہیں تو میں اس کے لیے حاضر ہوں—فوٹو: ڈان نیوز

مسلم لیگ (ن) کے رہنما اور سابق وزیر اعظم شاہد خاقان عباسی نے کہا ہے کہ جو سیاستدان ٹیکس ادا نہیں کرتے دراصل وہ کرپٹ ہیں، پاکستان موجودہ صورتحال انتہائی مایوس کن ہے کہ منی لانڈرنگ کا ریفرنس کسی کے خلاف بھی دائر کردیا جائے اور کئی صفحات پر مشتمل ہوگا ہے۔

لاہور میں عاصمہ جہانگیر کی یاد میں منعقد کانفرنس سے خطاب کے دوران انہوں نے کہا کہ قانون کسی بھی شہری کو 7 سال کا مالی کھاتہ برقرار رکھنے کا کہنا تھا جبکہ مجھ سے 35 سال کا ریکارڈ طلب کیا جاتا ہے۔

مزیدپڑھیں: وزیراعظم عالمی برادری میں ملک کی بے عزتی کا باعث بن رہا ہے، شاہد خاقان عباسی

انہوں نے کہا کہ اگر آپ حقیقتاً احتساب چاہتے ہیں تو میں اس کے لیے حاضر ہوں لیکن قومی احتساب بیورو (نیب) ’احتساب‘ نہیں ہے، آپ جو بھی نیب کو نام دیں لیکن وہ احتساب کرنے کی اہلیت نہیں رکھتا۔

شاہد خاقان عباسی نے کہا کہ سیاستدانوں کے احتساب بہت آسان ہے جو ٹیکس قانونی کے ذریعے کیا جا سکتا ہے، اگر سیاستدان کروڑوں روپے مالیت کی گاڑی اور اراضی رکھتا ہے لیکن وہ ٹیکس ادا نہیں کرتا تو وہ کرپٹ ہے لیکن کوئی بھی اس سمت میں نہیں سوچ رہا۔

ان کا کہنا تھا کہ جن لوگوں نے احتساب کے قوانین بنائے وہ ان پر لاگو نہیں ہوتے، لوگ اپنی وفا داریاں تبدیل کرتے ہیں اور احتساب سے بچ جاتے ہیں۔

یہ بھی پڑھیں: نام نہاد انتخابی اصلاحات آئین اور قانون سے متصادم ہیں، شاہد خاقان عباسی

انہوں نے کہا کہ گزشتہ برس کے دوران کوئی بیروکریٹک کام نہیں کررہا، نیب کا تفتیشی افسر سیکریٹری کے سامنے دو پیپر رکھتا ہے کہ ایک وارنٹ ہوتا ہے اور دوسرا متعلقہ وزیر کے خلاف مالی کھاتوں میں تصدیق کا پیپر ہوتا ہے۔

شاہد خاقان عباسی نے کہا کہ نیب کبھی بھی اقتدار میں موجود طاقتور طبقے کے خلاف کارروائی نہیں کرتا، 80 فیصد سے زیادہ سیاستدان قومی خزانے کی دولت میں براہ راست مداخلت نہیں کرتے، گورننس کی ناکامی کی بڑی وجہ نیب ہے۔

ان کا کہنا تھا کہ نیب کے الزامات کے بعد متاثرہ شخص کی ساکھ خراب ہوجاتی ہے، وہ کاروبار نہیں کرپاتا اور وہ بینک سے لون نہیں لے سکتا، محض الزام کی بنیاد پر اسے بھاری نقصان اٹھانا پڑتا ہے۔

مزیدپڑھیں: نااہل اور کرپٹ حکومت نے 3 سال میں ملک کی مشکلات دگنی کردی، شاہد خاقان عباسی

انہوں نے وکلا کو مخاطب کرکے کہا کہ کیا آپ نواز شریف کے خلاف دائر مقدمات کے فیصلوں کو دنیا کی کسی عدالت میں دلائل کا حصہ بنا سکتے ہیں؟

ان کا کہنا کہ لیکن یہ حقیقت بھی جان لیں کہ نیب نے 21 برس میں صرف ایک سیاستدان کے خلاف عدالتی فیصلہ حاصل کرنے میں کامیاب ہوا، تو سوال ہوتا ہے کہ دیگر لوگ کہاں ہیں؟ قومی خزانے کو نقصان پہنچانے والے دیگر لوگ کدھر ہیں؟وہ ہر حکومت میںموجود ہوتے ہیں۔

ان کہنا تھا کہ اتفاق رائے سے ہی نیب کے قوانین میں ترمیم کی جا سکتی ہے۔

تبصرے (0) بند ہیں