• KHI: Fajr 4:13am Sunrise 5:42am
  • LHR: Fajr 3:18am Sunrise 4:57am
  • ISB: Fajr 3:13am Sunrise 4:57am
  • KHI: Fajr 4:13am Sunrise 5:42am
  • LHR: Fajr 3:18am Sunrise 4:57am
  • ISB: Fajr 3:13am Sunrise 4:57am

دنیائے ٹیکنالوجی کی 2 ارب پتی شخصیات ایلون مسک اور مارک زکربرگ دنگل کیلئے تیار

شائع June 24, 2023
فیس بک نے ٹوئٹر کو ٹکر دینے کے لیے دسمبر 2022 میں ہی متبادل پلیٹ فارم کی تیاری پر کام شروع کردیا تھا—فائل فوٹو: فائل ٹوئٹر
فیس بک نے ٹوئٹر کو ٹکر دینے کے لیے دسمبر 2022 میں ہی متبادل پلیٹ فارم کی تیاری پر کام شروع کردیا تھا—فائل فوٹو: فائل ٹوئٹر

ٹیکنالوجی کی دنیا کی دو ارب پتی نامور شخصیات ایلون مسک اور مارک زگربرگ سوشل میڈیا پر ایک دوسرے کو ’کیج فائٹ‘ کے لیے للکار رہے ہیں۔

ایلون مسک سماجی پلیٹ فارم ٹوئٹر کے چیف ٹیکنالوجی افسر ہیں جبکہ مارک زکربرگ میٹا کمپنی کے مالک ہیں۔

حال ہی میں میٹا کے سی ای او مارک زکربرگ نے ٹوئٹر کے طرز کا ایک سوشل میڈیا پلیٹ فارم متعارف کرنے کا اعلان کیا تھا، لیکن تاحال اس کا نام فائنل نہیں کیا گیا اور نہ ہی اسے متعارف کرانے کی کوئی حتمی تاریخ سامنے آئی ہے۔

مارک زکربرگ کی جانب سے ٹوئٹر کے طرز کا پلیٹ فارم متعارف کروانے کی خبروں کے بعد ایلون مسک نے تنقید کرتے ہوئے ٹوئٹر پر لکھا ’کاپی‘۔

51 سالہ ایلون مسک کی جانب سے میٹا پر مزاحیہ اور تنقیدی ٹوئٹس کے بعد39 سالہ زکربرگ نے بھی ایک پوڈکاسٹ میں ٹوئٹر پر تنقید کی۔

مارک زکربرگ نے پوڈ کاسٹ میں کہا تھا کہ ’میرے خیال میں ٹوئٹر وہ سوشل پلیٹ فارم نہیں جو اسے ہونا چاہیے، انہوں نے مزید کہا کہ جب آپ منفرد اور دلچسپ تجربے کرتے ہیں تو آپ کو شرمندہ بھی ہونا پڑتا ہے اور پھر آپ کو ایک قدم واپس جانا پڑتا ہےاور ابتدا سے دوبارہ شروع کرنا ہونا ہوتا ہے۔‘

زکر برگ کی تنقید کے بعد ٹوئٹر صارف کے ایک تبصرے پر ایلون مسک نے جواب میں مزاحیہ انداز میں لکھا کہ ’اگر وہ تیار ہیں تو میں بھی کیج فائٹ کیلئے تیار ہوں‘۔

جس پر زکربرگ نے بھی ایلون مسک کے جواب کا اسکرین شئیر کرتے ہوئے لکھا کہ ’مجھے جگہ کا نام (لوکیشن) بھیجو‘۔

جس پر ایلون مسک نے جوابی ردعمل دیتے ہوئے لکھا کہ ’ویگاس آکٹاگون‘

ویگاس آکٹگن ایسی جگہ ہے جہاںا لٹیمیٹ فائٹنگ چیمپئن شپ (یو ایف سی) کے مقابلے ہوتے ہیں۔

ایلون مسک کی ٹوئٹ کے بعد سوشل میڈیا پر میمز کے بھرمار شروع ہوگئی۔

کئی لوگوں نے تو پولنگ کے ذریعے تبصرے کرنے شروع کردیے کہ کتنے لوگ مارک زکربرگ اور ایلون مسک کا ساتھ دے رہے ہیں۔

دلچسپ بات یہ ہے کہ مارک زکربرگ جیو جٹسو کے ماہر ہیں، جو ایک قدیم جاپانی مارشل آرٹ ہے۔

دوسری جانب میٹا کے نمائندے نے اے ایف پی کو بتایا ہے کہ مارک زکربرگ مزاق نہیں کررہے۔

اب دیکھنا یہ ہے کہ دو ارب پتی شخصیات ایلون مسک اور مارک زکربرگ کے درمیان دلچسپ مقابلے کا کیا نتیجہ نکلتا ہے۔

یاد رہے کہ فیس بک نے ٹوئٹر کو ٹکر دینے کے لیے دسمبر 2022 میں ہی متبادل پلیٹ فارم کی تیاری پر کام شروع کردیا تھا اور بعد ازاں کمپنی نے انسٹاگرام پر ایسے فیچرز بھی پیش کیے تھے جو ٹوئٹر پر موجود ہیں۔

اسی طرح ٹوئٹر کے سابق بانی جیک ڈورسی اور ان کی ٹیم نے بھی ٹوئٹر کے ٹکر کی ایپلی کیشن ’بلیو اسکائی‘ متعارف کرائی تھی۔

تاہم اب فیس بک کی جانب سے تیاریوں کے مراحل میں موجود ایپلی کیشن کے اسکرین شاٹس بھی سامنے آگئے، جنہیں دیکھ کر اندازہ ہوتا ہےکہ فیس بک کا پلیٹ فارم بلکل ٹوئٹر کی طرح کا ہی ہوگا۔

کارٹون

کارٹون : 15 جون 2024
کارٹون : 14 جون 2024