• KHI: Asr 5:20pm Maghrib 7:24pm
  • LHR: Asr 5:03pm Maghrib 7:09pm
  • ISB: Asr 5:12pm Maghrib 7:20pm
  • KHI: Asr 5:20pm Maghrib 7:24pm
  • LHR: Asr 5:03pm Maghrib 7:09pm
  • ISB: Asr 5:12pm Maghrib 7:20pm

آئی فون پرو اور میکس میں 21 موڈز شامل

شائع September 18, 2023 اپ ڈیٹ September 20, 2023
—فوٹو: کمپنی
—فوٹو: کمپنی

امریکی کمپنی ’ایپل‘ نے 12 ستمبر کو اپنے آئی فونز پیش کیے تھے، جن میں پہلی بار ٹائپ سی چارجر دیا گیا تھا۔

اسی طرح کمپنی نے پہلی بار آئی فونز کے مہنگے ترین ماڈیولز کے کیمروں میں ایسے طاقتور لینسز دیے گئے جو سات کیمرا لینسز کے برابر ہیں۔

آئی فون کو ویسے بھی اس کے فیچرز اور کیمرا کوالٹی کی وجہ سے پسند کیا جاتا ہے، صارفین کا ماننا ہے کہ آئی فون کے کیمرے سے شوٹ کیے گئے مناظر اصلی مناظر جیسے ہی لگتے ہیں۔

شائقین کی پسندیدگی کو دیکھتے ہوئے اس بار کمپنی نے اپنے مہنگے ترین ماڈیولز یعنی آئی فون 15 پرو اور آئی فون 15 پرو میکس کے کیمروں کے لینسز کو اتنا طاقتور بنایا ہے جو دیگر عام موبائلز کے سات لینسز کے برابر ہیں۔

دونوں فونز کے بیک پر تین جب کہ ایک سیلفی کیمرا دیا گیا ہے، وہیں ان کیمروں میں 21 موڈز کو بھی شامل کیا گیا ہے۔

آئی فون 15 پرو اور آئی فون 15 پرو میکس کے بیک پر مین کیمرا 48 میگا پکسل کا دیا گیا ہے جب کہ باقی دونوں کیمرے 12 میگا پکسلز کے ہیں۔

اسی طرح فونز کے فرنٹ پر 12 میگا پکسل کا سیلفی کیمرا دیا گیا ہے اور فونز کے تمام کیمروں کو جدید لینسز اور موڈز کے ساتھ پیش کیا گیا ہے۔

آئی فون کے بہترین کیمروں کی وجہ سے اس پر ہولی وڈ سمیت دیگر ممالک کی فلم انڈسٹریز میں ان کے کیمروں کی مدد سے فلمیں بھی بنائی جا چکی ہیں جب کہ زیادہ تر صحافی ملٹی میڈیا اسٹوریز کے لیے آئی فونز کو ہی ترجیح دیتے ہیں۔

اس بار جہاں کمپنی نے آئی فونز کے کیمروں کی ٹیکنالوجی کو بہتر بنایا ہے، وہیں فونز کے سیکیورٹی فیچرز کو بھی اپگریڈ کردیا گیا ہے۔

آئی فون 15 پرو اور آئی فون 15 پرو میکس کمپنی کی جانب سے اب تک پیش کیے جانے والے مہنگے ترین فونز ہیں اور انہیں مختلف میموری ماڈیولز میں پیش کیا گیا ہے۔

آئی فون 15 پرو کی قیمت 999 ڈالرز یعنی تقریباً پاکستانی 3 لاکھ روپے سے شروع ہے جبکہ آئی فون 15 پرو میکس کی قیمت 1199 ڈالرز یعنی تقریباً پاکستانی 3 لاکھ 60 ہزار روپے سے شروع ہے اور ان فونز کے زیادہ میموری کے ماڈیولز کی قیمت اس سے زیادہ ہے۔

تاہم ایپل کے فونز پاکستان میں آنے کے بعد ٹیکسز لگنے کے بعد مزید مہنگے ہوںگے اور پاکستان میں سب سے سستا آئی فون 15 کا 128 جی بی ماڈیول کا فون ہوگا، جس کی قیمت 3 لاکھ 99 ہزار روپے تک پہنچ جائے گی۔

اسی طرح ترتیب وار تمام فونز کی قیمتوں میں پاکستان میں ٹیکس لگنے کے بعد 50 ہزار روپے سے ڈیڑھ لاکھ روپے کا اضافہ ہوگا۔

پاکستان میں آئی فون میکس اور پرو کے تمام ماڈیولز کے فون کی قیمت پانچ لاکھ روپے سے بڑھ جائے گی اور کم سے کم میموری والے ماڈیول کی قیمت بھی پانچ لاکھ 54 ہزار روپے تک ہوگی۔

اسی طرح پاکستان میں آئی فون کا سب سے مہنگا اور سب سے زیادہ میموری یعنی 1024 جی بی ماڈیول کا فون 5 لاکھ 99 ہزار 999 روپے میں ملے گا۔

کارٹون

کارٹون : 11 جولائی 2024
کارٹون : 10 جولائی 2024