دورہ چین پر موجود مسلم ممالک کے وفد کا غزہ میں جنگ بندی پر زور
مسلم ممالک کے وزرا نے دورہ چین کے موقع پر غزہ میں جنگ بندی کا مطالبہ کیا ہے تاکہ جھڑپوں کا خاتمہ ہو اور غزہ میں انسانی امداد پہنچائی جا سکے۔
’رائٹرز‘ کی رپورٹ کے مطابق عرب ممالک سمیت دیگر اسلامی ممالک کے وزرا کا وفد آج چین کے دارالحکومت بیجنگ کا دورہ کررہا ہے۔
یہ وفد اقوام متحدہ کی سلامتی کونسل کے مستقل ارکان کی نمائندگی کرنے والے حکام سے ملاقات کرے گا۔
ان ممالک کی جانب سے مغرب پر دباؤ ڈالا جارہا ہے کہ وہ فلسطینیوں کے خلاف اسرائیل کے اقدامات کے اس جواز کو مسترد کرے کہ وہ یہ سب اپنے دفاع میں کررہا ہے۔
چین کے اعلیٰ سفارت کار وانگ یی سے ملاقاتیں کرنے والے حکام کا تعلق اسلامی تعاون تنظیم (او آئی سی) کے علاوہ سعودی عرب، اردن، مصر، انڈونیشیا، فلسطین و دیگر ممالک سے ہے۔
لائیو ٹی وی