پاکستانی شوٹرز نے ایشین شوٹنگ چیمپئن شپ میں ایک اور میڈل جیت لیا۔کشمالہ طلعت اور گلفام جوزف نے مسکڈ ٹیم ایونٹ میں برانز میڈل کے ساتھ ملکی پرچم بلند کردیا۔

ڈان نیوز کے مطابق ایشین شوٹنگ چیمپئن شپ انڈو نیشیا کے شہر جکارتہ میں جاری ہے جس میں پاکستان کےمیڈلز کی تعداد 2 ہوگئی ہے۔

10 میٹر ایئر پسٹل کیٹگری کے مسکڈ ٹیم ایونٹ کے برانز میڈل مقابلے میں پاکستان کا قازقستان کے شوٹرز سےسامنا تھا۔

کشمالہ طلعت اور گلفام جوزف نے 10 پوانٹس کی برتری حاصل کی، پاکستان کی جیت کا اسکور 8-18 رہا۔

گزشتہ روز کشمالہ طلعت نے10 میٹر ائر پسٹل کے انفرادی مقابلے میں سلور میڈل حاصل کرکے پیرس اولمپکس کے لیے براہ راست کوالیفائی کرلیا تھا۔