اے این ایف کی کارروائی، گوادر سے اسلحہ یمن اسمگل کرنے کی کوشش ناکام
اینٹی نارکوٹکس فورس (اے این ایف) نے گوادر میں کشتی کے ذریعے اسلحہ یمن اسمگل کرنے کی کوشش ناکام بنادی۔
’ڈان نیوز‘ کے مطابق ترجمان اینٹی نارکوٹکس فورس نے بتایا کہ گوادر کے علاقے پدیزار میں کارروائی کے دوران بھاری تعداد میں اسلحہ برآمد کرلیا گیا۔
ترجمان کے مطابق اے این ایف اہلکاروں کو دیکھ کر ملزمان رات کی تاریکی کا فائدہ اٹھاتے ہوئے سامان چھوڑ کر موقع سے فرار ہوگئے۔
اے این ایف ٹیم نے موقع پر پہنچ کر کشتی اور سامان قبضے میں لے لیا، سامان کی جانچ پڑتال پر 259 عدد نائن ایم ایم گلاک پستول برآمد کیے۔
لائیو ٹی وی