دو ڈھائی سال بعد ملک کا دوسرا وزیراعظم بنے گا، منظور وسان
پاکستان پیپلز پارٹی کے رہنما منظور وسان نے پیشگوئی کی ہے کہ حکومت اپنی 5 سالہ مدت پوری نہیں کرسکے گی اور دوڈھائی سال بعد ایسے حالات پیدا ہوں گے کہ دوسرا وزیراعظم بنے گا۔
ایک بیان میں منظور وسان نے کہا کہ جی ڈی اے والے ہی دھاندلی کی بنیاد ڈالنے والے ہیں جو اب رو رہے ہیں لیکن جی ڈی اے والے جس کے اشارے پر تحریک چلا رہے ہیں وہ خاموش ہوجائیں گے۔
ان کا کہنا تھا کہ آج جو لوگ پی ٹی آئی چلا رہے ہیں، وہ آگے چل کر خود پچھتائیں گے کیونکہ پی ٹی آئی کی پوزیشن خراب ہورہی ہے اور ان کا ساتھ دینے والا کوئی نہیں ہوگا۔
انہوں نے کہا کہ بانی پی ٹی آئی خود کو مصیبت میں ڈال رہے ہیں، وہ آگے چل کر پریشان ہوں گے اور غلطیوں کا اعتراف کریں گے۔
پیپلز پارٹی کے رہنما نے پیشگوئی کی کہ حکومت اپنی 5 سالہ مدت پوری نہیں کرسکے گی اور دوڈھائی سال بعد ایسے حالات پیدا ہوں گے کہ دوسرا وزیراعظم بنے گا۔
لائیو ٹی وی