گھوٹکی: ڈاکوؤں کے حملے میں 3 پولیس اہلکار شہید
سندھ کے ضلع گھوٹکی میں ڈاکوؤں نے پولیس اہلکاروں پر فائرنگ کردی جس کے نتیجے میں 3 اہلکار شہید ہوگئے۔
ڈان نیوز کے مطابق پولیس کے ترجمان نے بتایا کہ شہید پولیس اہلکار عبد السمیع سموں، عبدالحنان اور شفیق احمد رونتی تھانہ پر ڈیوٹی پر جارہے تھے۔
اس دوران ڈاکوؤں نے حملہ کرکے فائرنگ شروع کردی جس کے نتیجے میں تینوں اہلکار شہید ہوگئے۔
ترجمان نے بتایا کہ پولیس نے شہید اہلکاروں کی لاشیں تحصیل ہسپتال اوباڑو منتقل کردیں۔
پولیس کے مطابق واقعے کے بعد پولیس کی بھاری نفری کچے کی جانب روانہ کردی گئی۔
لائیو ٹی وی