سندھ کے 26 اضلاع میں خالی بلدیاتی نشستوں کے ضمنی انتخاب کیلئے شیڈول جاری
سندھ کے 26 اضلاع میں خالی بلدیاتی نشستوں کے ضمنی انتخاب کے لیے الیکشن کمیشن آف پاکستان نے شیڈول جاری کردیا۔
ڈان نیوز کی رپورٹ کے مطابق جاری نوٹی فکیشن کے مطابق بلدیاتی نشستوں پر ضمنی انتخاب کے لیے پولنگ 14 نومبر کو ہوگی، صوبے میں 77 مختلف کیٹیگری کی بلدیاتی نشستوں پر ضمنی انتخاب ہوگا۔
نوٹی فکیشن کے مطابق کراچی میں مجموعی طور پر 10 بلدیاتی نشستوں پر ضمنی انتخاب ہوگا، ضلع ملیر، کورنگی، ضلع جنوبی، ضلع غربی، ضلع کیماڑی اور ضلع وسطی میں ضمنی بلدیاتی انتخابات ہوں گے۔
نوٹی فیکیشن کے مطابق کراچی میں 4 چیئرمین، 2 وائس چیئرمین اور 4 وارڈ کونسلر کی نشستوں پر ضمنی انتخاب ہوگا، 9 سے 11 اکتوبر تک ریٹرننگ افسران کے پاس کاغذات نامزدگی جمع کرانے جاسکتے ہیں۔
لائیو ٹی وی