انسٹاگرام پر بہت کم دیکھی جانے والی ویڈیوز کی کوالٹی بدتر کیے جانے کا اعتراف
انسٹاگرام کے بانی نے اعتراف کیا ہے کہ پلیٹ فارم پر بہت کم دیکھی جانے والی ویڈیوز کی کوالٹی کو خراب کیا جاتا ہے لیکن جیسے ہی مذکورہ ویڈیو کو دوبارہ زیادہ دیکھا جانے لگتا ہے تو اس کی کوالٹی بہتر کردی جاتی ہے۔
ٹیکنالوجی ویب سائٹ کے مطابق حال ہی میں امریکا سمیت دیگر ممالک کے صارفین نے شکایت کی کہ انسٹاگرام پر بعض ویڈیوز کی کوالٹی کو خراب کیا جا رہا ہے۔
لوگوں کی شکایت کے بعد انسٹاگرام کے بانی نے اپنی انسٹاگرام ویڈیو اور پوسٹس میں اعتراف کیا کہ کم ویوز حاصل کرنے والی ویڈیوز کی کوالٹی کو خراب کردیا جاتا ہے۔
انہوں نے بتایا کہ جن ویڈیوز کو کافی عرصہ قبل اپ لوڈ کیا گیا ہوتا ہے اور عرصہ گزر جانے کے باوجود وہ مطلوبہ یا زیادہ ویوز حاصل نہیں کر پاتیں تو انسٹاگرام کا سسٹم ان کی کوالٹی کو خراب کردیتا ہے۔
کم دیکھی جانے والی ویڈیوز بلر نظر آنے لگتی ہیں، ان کی ویڈیو درست دکھائی نہیں دیتی۔
انہوں نے بتایا کہ لیکن جیسے ہی دوبارہ مذکورہ ویڈیو کو زیادہ دیکھا جانے لگتا ہے اور اس کے ویوز بڑھنے لگتے ہیں تو اس کی کوالٹی کو بہتر کرنا شروع کردیا جاتا ہے۔
بعض صارفین نے یہ شکوہ بھی کیا کہ فیس بک پر بھی کم دیکھی جانے والی ویڈیوز کی کوالٹی کو خراب کردیا جاتا ہے۔
لائیو ٹی وی