ملک بھر میں آج پھر سونے کی قیمتوں میں سیکڑوں روپے کی کمی
ملک بھر میں آج پھر سونے کی فی تولہ قیمتوں میں سیکڑوں روپے کی کمی ریکارڈ کی گئی ہے۔
سرکاری خبر رساں ادارے ’اے پی پی‘ کی رپورٹ کے مطابق آل پاکستان صرافہ جیمز اینڈ جیولرز ایسوسی ایشن نے بتایا کہ 24 قیراط کے حامل فی تولہ خالص سونے کا بھاؤ 2 ہزار 300 روپے تنزلی سے 3 لاکھ 41 ہزار 900 روپے ہو گیا۔
اسی طرح 24 قیراط 10 گرام سونے کی قیمت ایک ہزار 972 روپے گر کر 2 لاکھ 93 ہزار 124 روپے ہو گئی جبکہ 22 قیراط 10 گرام سونا ایک ہزار 808 روپے تنزلی سے 2 لاکھ 68 ہزار 706 روپے میں فروخت ہوا۔
ادھر، فی تولہ اور 10 گرام چاندی کی قیمت بالترتیب 3 ہزار 482 روپے اور 2 ہزار 985 روپے پر برقرار رہی۔
ایسوسی ایشن نے رپورٹ کیا کہ عالمی منڈی میں فی اونس سونا 23 ڈالر سستا ہو کر 3 ہزار 258 ڈالر میں فروخت ہوا۔
لائیو ٹی وی