لاہور قلندرز کو 4 سال میں تیسرا ٹائٹل جتوانے والے شاہین آفریدی کو پی ایس ایل 10 کی ٹیم آف دی ٹورنامنٹ کا کپتان مقررکردیا گیا ہے۔

پاکستان سپر لیگ کی جانب سے ٹورنامنٹ کے دسویں ایڈیشن کے لیے آف دی ٹیم کا اعلان کردیا گیا ہے جس کی قیادت لاہور قلندرز کو چیمپئن بنوانے والے کپتان شاہین آفریدی کو سونپی گئی ہے۔

پی ایس ایل 10 آف دی ٹورنامنٹ میں کراچی کنگز کے 4، لاہور قلندرز اور کوئٹہ گلیڈی ایٹرز کے 3،3 جب کہ پشاور زلمی اور اسلام آباد یونائیٹڈ کا ایک ایک کھلاڑی شامل ہے۔

ٹیم آف دی ٹورنامنٹ میں کراچی کنگز کے حسن علی ، جیمز ونس ، ڈیوڈ وارنر، خوشدل شاہ (12ویں کھلاڑی) کے طور پر شامل ہیں جب کہ اسلام آباد یونائیٹڈ کے صاحبزادہ فرحان شامل ہیں۔

کوئٹہ گلیڈی ایٹرز کے فہیم اشرف ، حسن نواز اور ابرار احمد کو شامل کیا گیا ہے، لاہور قلندرز کے سکندر رضا، فخرزمان اور شاہین آفریدی شامل ہیں جب کہ پشاور زلمی کے علی رضا ایمرجنگ اور کراچی کنگز کے خوشدل شاہ بارہویں کھلاڑی ہیں۔

ٹیم آف دی ٹورنامنٹ

شاہین آفریدی (کپتان)، فخر زمان، صاحبزادہ فرحان، ڈیوڈ وارنر، جیمز ونس، حسن نواز، سکندر رضا، فہیم اشرف، ابرار احمد، حسن علی، علی رضا، خوشدل شاہ (12واں کھلاڑی)

واضح رہے کہ 25 مئی کو لاہور کے قذافی اسٹیڈیم میں کھیلے گئے فائنل میں لاہور قلندرز نے کوئٹہ گلیڈی ایٹرز کو 6 وکٹوں سے شکست دے کر پی ایس ایل 10 کی ٹرافی اپنے نام کی۔